[聯賽獨家] DontAskMeWhy客戰Fei Duk 迎來首場聯賽勝仗

隊報!  球隊歷史性首場聯賽勝仗報導!

2023年11月14日
球隊業餘臨記Nam 報導


2023年11月13日晚上，與Fei Duk 的第二輪冠聯比賽，Dont Ask Me Why 的球隊正選陣容如下:

陣式: 4-2-3-1
ST: Sing_Wong1101
LM: xoverjeff
CAM: TONGLYT
RM: jeffjeffchau
LDM: Zavina_WCT
RDM: SamuelWMC
LB: Pony5296
LCB: hoshing1125
RCB: Macro--C
RB: Manchester1227
GK: SzoneZ_





第二仗的對手，是 Fei Duk (廢毒)。上半場一開波，廢毒就打算黎個開波 bug，直接長傳向突入的左翼，可惜執行人既力度按制唔好，個波直入禁區被門神Szone 輕易沒收。 廢毒以高位防守向我隊進迫，長期有7-8人於我方半場壓迫，受制於高壓防守，我方多次向前傳球被廢毒截獲，幸好後防保持高度集中力，數次成功阻擋廢毒攻門。但亦因廢毒防線壓得極前，xoverjeff 前傳俾 Sing 的傳球亦數次落入越位陷阱內。

未知是否受到首場失波的影響，上半場球隊的表現比較緊張，幸好後防表現不俗，能在廢毒高壓下保住控球。上半場最終控球比率逹到6成1，傳球成功率83%，射門次數亦以3比1領先對手。

進入下半場，開波幾下傳送後，TONGLYT 就與jeffjeff 來個 one two，突破中場防線引到廢毒LCB 向前作勢衝出， Sing 把握機會走向LCB身後，TONGLYT 一個直線，劏穿廢毒後防交與突破越位的Sing 窄位射門，可惜被廢毒門將救出底線成為角球。

到50分鐘，我方於左路進攻被廢毒封出底線成為角球。這次角球換了戰術，打算直接開向12碼點附近，可惜被廢毒解圍成功，頂出的波更於再度爭頂後落入廢毒球員腳下，被廢毒乘機做成一個4打3 的突擊，數名中場不停追趕亦未能阻止廢毒推進，廢毒CAM 冷靜把握 Pony 與 Manchester 之間的空位，一個直線做就前鋒單刀輕鬆射入。

   

再開波後，廢毒就我方打算壓前追回失地的空位進行突襲，下半場53分鐘，後防一個大轉向傳往左翼，Manchester 被拉出閘位爭頂失敗，球被廢毒頂往入涉 Manchester 防守位置的左翼， Macro 走到右閘幫忙補位，廢毒前鋒就走到 Macro 原先位置接應隊友的傳中，倒掛傳予中間突入的攻中，中間 hoshing 及幫忙到中路協防的 Pony 均未能截到皮球，被攻中控到球後於10碼正中位置起腳，幸好對方角度拿得太盡，皮球於柱邊出界，我隊拾回一命。

緊接著，球隊反擊之時TONGLYT 傳予 Sing 時再度跌入越位陷阱，廢毒CB 於中圈較後位置開出自由球向右方，右閘直線傳予右翼後，於中場4,50 碼位置向禁區頂作出長傳，hoshing 及廢毒前鋒都未能頂到個波，反而漏左去更遠入涉既攻中度，Szone 馬上出迎，但在接觸前攻中已推走個波，好彩最終個波廢毒越位在先，有驚無險。

正所謂大難不死，必有後福，再開波後，Samuel 於中後場剷到廢毒腳下球， TONGLYT 接到球後馬上分到右路 jeffjeff，sing 假衝後於中場停低幫手接應，避免再度跌入越位陷阱，接球後，sing 向禁區右方突破，jeffjeff 反而走入中路與sing 來個互相換位，廢毒後防一時未能反應，被jeffjeff 殺入禁區接應sing 的橫傳，成功於小禁區角窄位射入遠柱，成功扳平比數。

接下來進入一段混戰階段，68分鐘，廢毒防守成功截得Samuel 腳下球，馬上進行反擊，廢毒前鋒趕及在Zavina 出腳前一腳長傳予突入中路的右翼，廢毒成功係hoshing 前控下皮球，幸好 Pony 冇跟漏人，成功係廢毒進入禁區前從橫殺入，搶到廢毒腳下球。  

來而不往，非禮也。我方在互傳幾腳後，球交到中圈位置的TONGLYT ，佢一望 xoverjeff 既背影，馬上黎個三角直傳，個波直入廢毒後場，

xoverjeff 接應一推，到左 early cross 既完美位置， jeffjeff 亦有意織馬上殺入禁區，可惜最終射門被廢毒龍門神救撲出。




到83分鐘，Samuel 向TONGLYT 的直傳在廢毒中場被截獲，廢毒攻中馬上引球反擊，並分到右路由右翼與 Pony 1 對 1 對決。由於廢毒中鋒己殺入禁區，提防傳中的 Pony 決定封廢毒傳中路線，對手亦馬上決定踏前直射，好在 Szone 又一次神救保住不失!


 
到87分鐘，癈毒於我方中場開出罸球，直傳入禁區被剛犯規領黃的 hoshing 大腳解圍，在中圈附近等待反擊既xoverjeff 將球頂向左路跟進既TONGLYT，佢立即一個直線送俾跑上既Zavina  ,

Zavina 接應後向前快推，右路jeffjeff 亦再一次悄悄走入中路準備。

一入禁區，Zavina 就向遠柱傳出美妙傳中，皮球直飛向小禁區角，jeffjeff 未有馬上射門，個波一控彈向半空，正當領隊心諗，WTF 既時候，jeffjeff 個人飛身射出一個窩利，廢毒門將飛盡都未能擋到個波，球隊成功係88分鐘反勝2比1!!!

最後階段，廢毒空群而出想追回失地，我方成功防守後一個反擊由TONGLYT交予 Sing 成為單刀狀態

可惜今次廢毒龍門出迎夠快，sing 未能增添紀錄，球隊最終以2比1獲勝。

賽後領隊表示，大家今場成功反勝，有賴一眾後防成功抵擋對手功勢，而梅開二度既 jeffjeff 更加係今日既大功臣，睇黎下一期既專訪有目標啦!